Сè погласни се најавите дека српскиот напаѓач нема да остане во Јувентус, со кој има договор до крајот на сезоната, по што ќе може слободно да избере нова средина, иако неодамна се појавија информации дека српскиот голгетер размислува за останување.
Веќе подолго време како сериозна опција се споменува Барселона. Каталонскиот гигант е во потрага по напаѓач со профил сличен на оној на Роберт Левандовски, кој исто така влегува во неизвесна ситуација со неговиот договор. Во Барса веруваат дека токму Влаховиќ би можел да биде вистинското решение за нападот во наредните сезони.
Според пишувањата на италијанскиот „Тутоспорт“ и шпанскиот „Спорт“, приоритет на Влаховиќ е преселба на „Камп Ноу“, а спортскиот директор на Барселона, Деко, веќе имал разговори со неговите агенти околу можен трансфер.
Гласините се засилуваат од недела во недела, а јасно е дека името на Влаховиќ ќе биде меѓу најспоменуваните во италијанските и шпанските медиуми во текот на летниот преоден рок.