24фудбал

Ворнок откри што му кажал на Миовски пред натпреварот и вели: Си намигнавме кога ги постигна головите

Тренерот на Абердин, Нил Ворнок уште еднаш упати многу пофални зборови на адреса на Бојан Миовски и откри каков дил имал со Македонецот пред натпреварот против Бонириг Роуз.

Македонија

Бојан Миовски продолжува да ги тресе противничките мрежи, денеска постигна два гола против Бонириг Роуз во Купот на Шкотска.

Па Македонецот одново доби многу пофалби од тренерот на Абердеин, Нил Ворнок.

„Задоволство е да се соработува со него, мислам дека ќе видиме уште многу од Миовски. Работи многу, ретки се таквите напаѓачи во модерниот фудбал, плус игра со насмевка на лицето“ - вели Нил Ворнок.

„Пред натпреварот му реков, „Види, постигни два гола и ќе те извадам на полувреме. Или ако сакаш, ќе ти дадам уште 15 минути во второто полувреме за да стигнеш до хет-трик“. И тој постигна два гола! Си намигнавме кога ги постигна головите“.

„Едноставно е топ стрелец. Секогаш сум се мачел со напаѓачите во мојата кариера. Сум имал добри голмани, добри централни дефанзивци, добри фудбалери од средниот ред, но никогаш не сум имал квалитетен напаѓач“.

„Малку е иронично, но еве, сега на стари години, веројатно Миовски е најдобриот напаѓач кој сум го имал“


Обложувај се онлајн на Моцарт, 100% бонус на прва уплата до 400 евра, регистрирај се на овој ЛИНК.