По уште една разочарувачка сезона без трофеј, иднината на Хари Кејн во Тотнем повторно е ставена под знак прашалник. Напаѓачот има договор до јуни 2024, па се почесто се шпекулира дека летоска тој ќе направи трансфер.

Манчестер јунајтед е еден од клубовите кои го меркаат напаѓачот и според пишувањата на ЕСПН, „ѓаволите“ ќе се обидат да вметнат фудбалер во зделката со цел да ја намалат цената на Хари Кејн.

Имено, Тотнем е во потрага на наследник на голманот Иго Лорис и на Олд Трафорд се свесени дека едно од имињата на листата со желби на „спарси“ е нивниот Дин Хендерсон, кој во моментов настапува на позајмица во Нотингем Форест.

Па Манчестер јунајтед е подготвен да го жртвува голманот со цел да дојде до потписот на Хари Кејн и да не мора да искешира 100 милиони фунти за услугите на голгетерот.

Обложувај се онлајн на Моцарт, 100% бонус на прва уплата до 400 евра, регистрирај се на овој ЛИНК.