Ако некои имаа дилеми дали Конте ќе го напушти Тотнем, по денешните изјави тоа е сигурно. Тие водеа со 3-1 на гостувањето кај Саутемптон, но предноста ја прокоцкаа во финишот, по што Италијанецот на прес-конференцијата го искажа својот бес.

„Ние не сме тим. Ние сме 11 играчи кои се на теренот. Гледам себични фудбалери, играчи кои не си помагаа меѓусебе и не го оставаат срцето. Досега се трудев да ја скријам ситуацијата, но не можам повеќе“, вели Конте.

„Тука секогаш е истото, секоја сезона. Клубот има одговорност за трансфер пазарот, тренерот има одговорност. Но фудбалерите, каде се фудбалерите? Гледам само 11 играчи кои си играат за себе“.

„Тука во Тотнем се навикнати на тоа. Тие не играат за нешто важно. Тие не играат под притисок, под стрес. Лесно е вака. Приказната на Тотнем е иста 20 години, тука е сопственикот, но тие никогаш не освоиле нешто. Зошто?“.

„Тука играме за клубот. Играме за да ги направиме фановите на Тотнем горди. Треба да имате оган во очите. Ова е неприфатливо и за фановите. Тие плаќаат за билетите, овие перформанси се неприфатливи“.

Обложувај се онлајн на Моцарт, 100% бонус на прва уплата до 400 евра, регистрирај се на овој ЛИНК.