На стадинот на Сантош, попладнево пристигна ковчегот со телото на легендарниот фудбалер Пеле и почна бдението кое ќе трае 24 часа. Еден од првите кои му оддадоа почит на „Кралот“, беше претседателот на ФИФА, Џани Инфантино.

Тој излезе со интересен предлог и покрена иницијатива за во секоја земја барем еден стадион да го носи името на трикратниот освојувач на светската круна.

„Пеле е вечен, Пеле е светска икона. Пеле правеше работи за кои 99% од луѓето можат само да сонуваат, а преостанатиот 1% го копираа Пеле“ – рече Џани Инфантино.

„Ќе побараме секоја земја во светот да именува барем еден стадион по Пеле, за децата, за иднините генерации да знаат колку тој бил важен за фудбалот и каква радост донесе. Мораме неговото име да се памети низ целиот свет, на местото каде се постигнуваат голови... на фудбалските терени“.

Обложувај се онлајн на Моцарт, 100% бонус на прва уплата до 400 евра, регистрирај се на овој ЛИНК.