Категорија: Германија 23.08.2022 08:22
Френки де Јонг подолго време се поврзуваше со трансфер во Манчестер јунајтед, интерес за неговите услуги потоа пројави и Челси, а последните информации велат дека во трката за потписот на Холанѓанецот се приклучува и Баерн Минхен.
Како што пренесуваат медиумите од Шпанија, „баварците“ сакаат да ја повторат „операцијата Кутињо“ и да го донесат Френки де Јонг на позајмица со опција за перманентен трансфер.
Летото во 2019, двата клуба договорија позајмица на Филипе Кутињо на „Алианц Арена“, Баерн на Барселона и плати околу 8,5 милиони евра, плус превзеде обврска во целост да ја исплаќа платата на фудбалерот, како и опција да го купи во целост играчот за 120 милиони евра.
Идејата на Баерн е да донесат фудбалер од светска класа за кого сега нема да потрошат многу пари и доколку тој одигра на високо ниво, да го задржат на подолг рок.
Барселона пак од друга страна ќе се ослободи од високата плата на Френки де Јонг и ќе се отвори простор за регистрирање на Жил Кунде.