На „ѓаволите“ очигледно им гори под нозете по двата порази на стартот од новата сезона во Премиерлигата, сакаат што побрзо да донесат нови засилувања, но со потезите кои ги влечат делуваат како да носат одлуки од денес за утре и да прават панични купувања.

Последните шпекулации велат дека Манчестер јунајтед пројавил интерес за Кристијан Пулишиќ од Челси.

Клубот од Олд Трафорд стапил во контакт со „сините“ и се распрашувале за можноста да го ангажираат фудбалерот од САД на позајмица до крајот на сезоната.

Кристијан Пулишиќ има ограничена минутажа кај Томас Тухел, фрустриран е поради тоа што не добива шанса, па размислува за преселба во нова средина. Останува да се види дали Челси ќе сака да преговара со директен ривал.