Категорија: Италија 09.08.2022 17:05
По една година во Париз, Џини Вајналдум започнува нова авантура, Холанѓанецот се пресели во Рим. Фудбалерот од средниот ред денеска се појави пред новинарите и беше промовиран како ново засилување за Жозе Мурињо.
„Нема потреба да се зборува кој е Мурињо, трофеите кои ги има освоено доволно говорат. Секој фудбалер сака да соработува со него, тоа важи и за мене. Од моментот кога разговарав со него, знаев дека сакам да пристигнам во Рома, но од претходно имав донесено одлука“ – вели Џини Вајналдум.
„Претходно разговарав со Мо Салах и Кевин Стротман и тие имаа само убави приказни за клубот и градот. Од прилика знаев што ме чека, со Ливерпул игравме против Рома и ми се допадна атмосферата на стадионот. Но и покрај тоа, побарав совет од Салах и Стротман. Разговарав и со Ашраф Хакими, кој играше во Интер, но имаше само позитивни работи за Рома“.