24фудбал

Фенербахче поради скандирањата за Владимир Путин ќе плати 50.000 евра

УЕФА ја изрече казната за Фенербахче откако навивачите на мечот против Динамо Киев во Лигата на шампиони го скандираа името на Владимир Путин, „жолтите канаринци" ќе треба да платат 50.000 евра, и делумно да го затворат стадионот.

Лига на Шампиони

Во второто коло од квалификациите во Лигата на шампиони на реваншот помеѓу Фенербахче и Динамо Киев, домашните навивачи се обидоа да удрат каде што најмногу боли, па од трибините го извикуваа името на Владимир Путин.

УЕФА веднаш отвори дисциплинска постапка и вчера беше одредена казната за „жолтите канаринци“.

Фенербахче ќе треба да плати глоба од 50.000 евра, како и делумно да го затвори стадионот (најмалку 5.000 столчиња) на еден европски натпревар.