Челси за 40 милиони евра го купи Кулибали од Наполи, но клубот го продаде затоа што ако не го стореше тоа дефанзивецот следното лето ќе си заминеше како слободен играч.

„Ние го следевме него многу години. Јас лично и мојот персонал го следевме него многу години и многу пати се обидовме но никогаш не бевме успешно бидејќи е многу тешко да купиш играч на Наполи“, вели Тухел.

„Тој е лидер. Имавме добра информација за него од Менди и од Жоржињо. Имавме ист фидбек, тој е фантастичен дечко, лидер во соблекувалната, смирен, човек за пример“.

„Кога ќе прокопате подлабоко во неговите игри, кога ќе ги анализирате неговите игри, ќе видите квалитет во дефанзивата, квалитет во поставувањето на телото, и идеален тајминг“.

„Ги користи и двете нозе во почнување на акциите, има самодоверба, мобилен е и многу искусен. Имавме добра шанса и ја искористивме да го купиме. Тој беше наш топ приоритет. Среќни сме што е со нас“.