Категорија: Италија 07.07.2022 10:52
Пауло Дибала прифатил помала плата и му кажал ДА на Интер, ова денеска го пренесе Газета дело Спорт.
Весникот пишува дека Аргентинецот се сложил на условите кои ги ставил Бепе Марота на маса, односно плата од 5 милиони евра по сезона, плус еден додатен милион евра во бонуси кои се поврзани со бројот на одиграни натпревари (најмалку 50% од натпреварите во сезоната).
Сега се пеглаат останатите детали, се говори дека нема голема разлика помеѓу двете страни, но зделката и понатаму не е лесна.
Потребно е Интер да се ослободи од двајца напаѓачи, односно од Алексис Санчез и еден од Еден Џеко и Хоакин Кореа.
Пауло Дибала побарал од „нероаѕурите“ што поскоро да го решат ова прашање зошто нема да чека многу долго и ќе почне да разгледува други понуди.