Категорија: Македонија 02.07.2022 17:08
Јан Вондра потпиша двегодишен договор со Шкендија, тој во тетовскиот клуб доаѓа од Бохемијанс 1905.
Вондра игра на позицијата лев бек, тој е поранешен младинец на Спарта Прага а има играно и за Баник Острава и Чешке Будејовице.
„Среќен сум што доаѓам во Шкендија и во Тетово, мислам дека е вистинскиот момент што доаѓам сега, пред стартот на европските предизвици. Мислам дека веќе низ мечевите во Конференциската лига ќе ја оправдам довербата, а потоа во првенството верувам дека ќе атакуваме на трофеите. Тоа што го сфатив деновиве е дека Шкендија има исклучително квалитетен тим со голем потенцијал и убеден сум дека заедно ќе имаме позитивни резултати, како во Европа, така и во првенството“, вели Вондра.
Претходно Шкендија ги промовираше Башким Велии, Давор Талески и Влатко Стојановски.