Хакан Чалханоглу може да се најде во проблеми поради интервјуто за Тивибу Спор, наводно на раководството на Интер не им се допаднале одредени коментари, поточно изјавата за Златан Ибрахимовиќ и тоа што Турчинот го впери прстот кон тренерот Симоне Инзаги за поразот во дербито на Милано.

Фудбалерот од средниот ред дури мораше и да појаснува дел од изјавата: „Очигледно моите зборови се погрешно разбрани. Никогаш не сум критикувал ниту еден тренер, особено не господинот Инзаги за кого сметам дека е одличен тренер, кој силно ме посакуваше во Интер и ми даде голема самодоверба. Тој има голема заслуга за нашата добра сезона и двата освоени трофеи“.

Но и покрај ова, како што пренесува Газета дело Спорт, Хакан Чалханоглу може парично да биде казнет од Интер.