Категорија: Италија 22.06.2022 08:05
Заминувањето на Ромелу Лукаку од Интер во Челси се покажа како огромна грешка за белгискиот напаѓач.
Тој се полакоми по големата понуда која ја доби од Челси, го прекрши ветувањето до навивачите на Интер дека нема да замине и потпиша за сините. Но само неколку месеци подоцна се покаја и очајно посакуваше да се врати во Милано.
Ова лето тоа ќе се случи, а Лукаку толку силно го посакуваше тоа што прифатил огромно намалување на платата.
Во Челси добиваше 12 милиони евра годишно, а сега во Интер ќе игра за 8 милиони евра по сезона. Тоа значи дека тој жртвуваше цели 4 милиони евра годишно само за да се врати во Италија.