Трансферот на Виеира од претходно беше најавен, а сега откако завршија сите формалности е официјализиран.

„Фабио Виеира ни се приклучи од Порто, тој потпиша долгорочен договор со клубот“, стои во соопштението на Арсенал.

Арсенал за овој трансфер ќе плати 35 милиони евра плус 5 милиони евра во бонуси.

Микел Артета е повеќе од задоволен што Арсенал успеа да го купи Виеира.

„Многу сум возбуден што идентификувавме и потпишавме ваков посебен талент. Фабио е многу креативен играч кој ќе донесе квалитет и разновидност во нашата напаѓачка игра. Му посакуваме добредојде на Фабио и на неговото семејство во нашиот клуб“, вели Артета.