Категорија: Германија 20.06.2022 18:36
Баерн Минхен веќе потврди две засилувања, од Ајакс пристигнаа Мазрауи и Гравенберх, а наскоро се очекува да биде соопштен и трансферот на Садио Мане.
„Интензивно се работи на новиот тим. Доколку се оствари она што ми беше презентирано минатата недела, ќе имаме страшен тим и тоа со Левандовски во него“ – вели поранешниот претседател Ули Хенес.
Полјакот во неколку наврати јавно изјави дека е завршена неговата авантура во Минхен и побара да биде продаден, Барселона е неговиот избор за следна дестинација. „Баварците“ пак неколку пати порачаа дека напаѓачот има уште една година од договорот и ќе остане.
„Работите не се одвиваат онака како што сакаат тој и неговиот агент, па затоа се малку нервозни. Ги советувам сите инволвирани да бидат малку објективни и да не дозволат ситуацијата да ескалира“.
„Сонцето одново ќе ги огрее Левандовски и Баерн“.