Категорија: Шпанија 15.06.2022 21:26
Дани Алвеш кој прифати да игра за минимална плата минатата сезона во Барселона, нема да продолжи на Камп Ноу.
Тој сакал да остане, барем и на една полусезона со цел да биде подготвен за Светското првенство, но клубот одлучил дека не им е веќе потребен и не му го продолжија договорот.
Алвеш преку соопштение му се заблагодари на клубот за шансата да се врати уште еднаш во Барселона и се збогува со навивачите.
„Дојде време за наше збогување. Поминаа повеќе од осум години посветени на овие бои и на овој дом... но како и сè во животот, годините минуваат, патиштата се раздвојуваат и се пишуваат приказни од различни места - и така и беше. Тие се обидоа да се ослободат од мене но не можеа, добро, не можете да замислите, или можеби можете колку сум отпорен и издржлив“, вели Алвеш.
„Уште неколку години поминаа додека фудбалот и животот, кои како и секогаш се многу дарежливи кон оние кои ги почитуваат, одлучија да ми дадат шанса да се вратам тука и да можам да се збогувам“.
„Но не се збогувам без претходно да им се заблагодарам на оние кои се зад рефлекторите, на сите кои гарантираат дека сè е соврешено за нас, до сите нив: ВИ БЛАГОДАРАМ“.
„Исто така би сакал да му се заблагодарам на целиот персонал кој ми даде шанса да се вратам во овој клуб и да го облечам овој магичен дрес уште еднаш, тие не знаат колку сум среќен... да се надеваме дека нема да им недостасува мојата лудост и среќа секој ден“.
„Да се надеваме дека и тие што остануваат ќе направат историја во овој клуб, од дното на моето срце се надевам дека тоа ќе се случи“.
„Тоа беа 23 освоени титули, 2 тројни, една шестка и голема книга испишана со златни букви“.
„Завршува еден многу убав циклус и започнува друг уште попредизвикувачки циклус. Светот никогаш да не заборави: ДУРИ И АКО ЛАВОТ Е 39 ГОДИНИ СТАР, ПРОДОЛЖУВА ДА БИДЕ ЛУД ЛАВ. Засекогаш, НАПРЕД БАРСА“.