Чави решил да не смета на Пике и побарал од раководството на Барселона да му донесе нов централен дефанзивец, негова желба е Жил Кунде од Севиља.

Лапорта имал состанок со Пике за да го укори за ноќниот живот кој го има, но од искусниот дефанзивец добил неочекуван одговор. Пике е подготвен да ја покаже својата вредност и да игра на највисоко ниво во следната сезона.

Пике му ветил на Лапорта дека приватниот живот ќе го стави на мирување и ќе се фокусира исклучително на фудбалот. Дека и на 35 години ќе покаже дека се уште е најдобар. 

Тој му ја кажал намерата дека планира да го испочитува договорот до крај од кој има уште две години и ќе прифати намалување на платата за да може да се регистрираат новите засилувања.

Тој бил толку мотивиран што во еден момент од состанокот тој му рекол на Лапорта: „Ќе бидам стартер. Ако имаш муда донеси го најдобриот дефанзивец во светот, а тој ќе биде моја замена“.

Со ова Пике му рекол дека не се плаши од конкуренција, го прифаќа предизвикот да донесат нов централен дефанзивец, но тој ќе работи напорно и ќе се избори да биде стартер.