Роберт Левандовски сака да го напушти Баерн и одби да стави потпис на нов договор, неговиот агент јасно порача дека е завршена авантурата во Минхен.

Но и „баварците“ во неколку наврати повторија дека Полјакот ќе треба да си ја одработи последната година од договорот.

Според пишувањата на Марка, ставот на Баерн сепак не е толку цврст и тие се подготвени да го продадат Роберт Левандовски доколку добијат соодветна понуда. Минималната сума која ја бараат е 50 милиони евра, и немаат намера да седнат на преговори со Барселона доколку понудата на „каталонците“ не ја достигнува оваа бројка.

Марка додава дека ова е само еден услов за реализирање на трансфер, вториот е Баерн Минхен да најде соодветна замена.

Дарвин Нуњез од Бенфика е една опција, но неговата цена е 100 милиони евра, па зделката е прилично комплексна. Саша Калајџиќ од Штутгарт исто така е на радарот на шампионот на Германија.

Обложувај се онлајн на Моцарт, 100% бонус на прва уплата до 400 евра, регистрирај се на овој ЛИНК.