24фудбал

„Барса сака да го купи Левандовски? Во Германија од поодамна ќе беа банкротирани и судија ќе им тропаше на врата“

Почесниот претседател на Баерн Минхен, Ули Хенес вели дека не му е јасно како Барселона може да има пари за ангажман на Роберт Леваондовски кога неодамна искажа загуба од 1,3 милијарди евра.

Германија

Роберт Левандовски не сака да го продолжи договорот со Баерн Минхен и сака уште ова лето да замине од „Алианц Арена“. Се верува дека Полјакот веќе се има договорено со Барселона и планира кариерата да ја продолжи на „Камп Ноу“.

„Баварците“ не сакаат лесно да се откажат од услугите на напаѓачот и според пишувањата на Билд, веќе е одбиен еден предлог вреден 32 милиони евра.

Во меѓувреме, почесниот претседател Ули Хенес вели дека не му е јасно како Барса може да си го дозволи голгетерот.

„Барселона сака да го ангажира Левандовски а пред неколку месеци пријавија долг од 1,3 милијарди евра. Во Германија, од поодамна ќе беа банкротирани. Судија за банкрот ќе им тропаше на врата и ќе се расправаа со него наместо да подготвуваат милионска понуда“ – вели Ули Хенес.

Тој потоа додаде: „Роберт има договор. Во овој момент, никој во Баерн нема да го ослободи од договорот. Исто така до овој момент не е пронајдена замена за него, па јасно е што ќе направи клубот“.


Обложувај се онлајн на Моцарт, 100% бонус на прва уплата до 400 евра, регистрирај се на овој ЛИНК.