Категорија: Англија 24.01.2022 22:34
Во Манчестер јунајтед се одлучни во намерата да назначат нов тренер пред идната сезона, за што тврди „Атлетик“, а помеѓу неколкуте кандидати, се чини дека сериозно се издвојува Луис Енрике.
Оле Гунар Солшер доби отказ во ноември ланската година, а Ралф Рангник е привремено решение, по што ќе се пресели на позицијата советник во клубот, по што тренерската позиција ќе биде празна.
Енрике ја предводеше Барселона до тројната титула во 2015 година, а го презеде кормилото на шпанскиот национален фудбалски тим во 2018 година, предводејќи ја „Црвената фурија“ до полуфиналето од Европското првенство во 2020 година, како и до финалето од Лигата на нации.
Освен Луис Енрике, се споменуваат уште и Маурицио Покетино, Ерик тен Хаг, како и Хулен Лопетеги.