Категорија: Англија 20.01.2022 22:46
Натпреварот на Енфилд заврши без голови, а тоа ги зголеми надежите на Арсенал дека можат да го поминат Ливерпул, особено сега што во црвениот дрес не играат Салах и Мане.
Но, тоа не се случи, тимот на Клоп излезе како победник во овој двомеч откако денеска постигна два гола на Емирати, а не прими ниту еден.
Херој на Ливерпул беше Диого Жота кој ги постигна и двата гола, по еден во двете полувремиња.
На Жота му лежи Емирати, од два одиграни меча на овој стадион има постигнато четири голови.
Ливерпул во финалето ќе игра со Челси кој претходно го елиминираше Тотнем.