Категорија: Франција 18.01.2022 16:32
Според „ЕСПН“ последните разговори меѓу ПСЖ и претставниците на Мбапе поминале позитивно и францускиот клуб верува дека ќе успее да го убеди напаѓачот да стави потпис на договор.
ПСЖ сега му нуди краткорочен договор, на една или две години. Понуда која би била поприфатлива за Мбапе откако тој ќе знае дека за кратко време повторно ќе биде слободен играч и ќе може да замине каде сака.
Покрај краткорочниот договор што му го нуди, ПСЖ за да го убеди Мбапе да потпише, планира да го донесе Зидан за тренер и да го засили тимот со Пол Погба и Френк Кеси.
Но, Реал Мадрид се уште е уверен дека Мбапе нема да потпише договор со ПСЖ и по крајот на сезоната ќе се префрли кај нив.
Како и да е, наскоро не се очекува одлука од Мбапе, тој ќе почека најмалку до завршувањето на осминафиналето во Лигата на шампионите меѓу ПСЖ и Реал Мадрид, а можеби и до крајот на сезоната.