Категорија: Шпанија 17.01.2022 09:16
На Усман Дембеле не му се допаѓа понудата која ја има на маса од Барселона. Тој бара 20 милиони евра по сезона, но Каталонците се чини дека со право не мислат да му ја дадат.
Од доаѓањето во Барселона, Дембеле никогаш немаше континуирано добри настапи, често се повредуваше, а и кога играше неговите перформанси беа променливи. Во еден период беше и недисциплиниран.
Барселона сака да го продолжи договорот со Дембеле, но под нивни услови, тие немаат намера долго да го чекаат неговиот одговор.
Според „Мундо Депортиво“, Барселона му дала ултиматум на Дембеле да одговори на понудата во следните 48 часа. Доколку не го направи тоа, ќе сметаат дека неговиот одговор е негативен.
Потоа клубот ќе се обиде да го продаде до крајот на јануарскиот преоден рок, а ако не успеа во тој, Дембеле ќе си замине како слободен играч од Камп Ноу кога ќе заврши сезоната.