Категорија: Англија 16.01.2022 10:47
Ентони Марсијал сака во овој преоден рок да си замине од Манчестер јунајтед и се чини дека затоа е исфрлен од тимот.
Рангник вели дека Марсијал одбил да игра, а фудбалерот го тврди спротивното.
„Ентони Марсијал не сакаше да биде во тимот, тој би бил во тимот нормално, но не сакаше и тоа беше причината што не патуваше со нас на овој меч“, вели Рангник.
Но, верзијата на Марсијал не е таква.
„Никогаш не сум одбил да играм натпревар за Манчестер јунајтед. Седум години сум тука и никогаш не сум изразил непочитување кон клубот и никогаш нема да го направам тоа, секогаш ќе го почитувам и клубот и фановите“, вели Марсијал.
Се очекува во наредните денови да се најде купувач за Марсијал и тој да замине од Олд Трафорд.