Манчестер јунајтед повторно киксна во трката за топ четири пласман, избраниците на Рангник вечерва имаа предност од 0-2 на гостувањето кај Астон Вила, но на крајот мораа да се задоволат само со бод.

Резултатот беше отворен во 6. минута, Бруно Фернандеш биеше од работ на шеснаесетникот, Мартинез реагираше неспретно, и топката низ неговите нозе заврши во мрежата за водствот на гостите од 0-1.

Португалецот зголеми на 0-2, во 67. минута, кога по една грешка на домаќините, неодбранливо биеше под пречката.

Но потоа во игра влезе Филипе Кутињо, и Бразилецот учествуваше во акцијата по која Ремзи во 77. минута погоди за 1-2 и стана вториот најмлад стрелец за Астон Вила против Манчестер јунајтед.

Пет минути подоцна, Ремзи испрати топка во петерецот а Кутињо рутински реализираше за 2-2 и огромно славје на домаќините.