24фудбал

Барселона и Тотнем поради една причина имаат предност пред Интер во трката по Дибала

Информациите од Италија велат дека Паоло Дибала нема да потпише нов договор со Јувентус и ќе замине како слободен играч по крајот на сезоната, во трката по неговиот потпис засега се споменуваат Барселона, Тотнем и Интер.

Италија

Пауло Дибала ќе биде слободен фудбалер, а финансиската ситуација на Барселона е таква да тие би дале приоритет на квалитетни засилувања кои можат да ги добијат без обесштетување.

Информацијата дека Дибала ќе биде слободен играч и нема да продолжи со Јуве, го вклучи алармот во Барселона.

Антонио Конте пак очајно посакува да го засили Тотнем и ќе проба да го убеди Дибала да му се приклучи во Премиерлигата.

Се вели дека Бепе Марота е фан на Дибала и сака да го донесе во Интер, но има еден проблем кој го немаат Барселона и Тотнем.

Интер е најголемиот ривал на Јувентус, а Дибала не сака да направи предавство и да го облече црно-синиот дрес. Аргентинецот преферира трансфер во друга земја, а тоа им дава предност на Барселона и Тотнем.

Не се исклучува можноста во меѓувреме и други клубови да се вклучат во трката по Дибала.