Интер за прв пат по 2010 година се радува на трофеј во Суперкупот на Италија, „нероаѕурите“ вечерва со голот на Алексис Санчез во 120. минута стигна до триумф од 2-1 над Јувентус.
Категорија: Италија 12.01.2022 23:45
Симоне Инзаги го освои првиот трофеј на кормилото на Интер, вечерва беше совладан лутиот ривал Јувентус во Суперкупот на Италија.
Мекини ја донесе „старата дама“ во предност, но десет минути подоцна Мартинез од пенал изедначи на 1-1.
Истиот резултат стоеше на семафорот по 90 минути игра, па мечот отиде во продолженија. И кога се чинеше дека ќе има пенали, Леонардо Бонучи чекаше да биде направен прекршок за да влезе во игра, Алекс Сандро погреши во 120. минута од мечот а Алексис Санчез ја затресе мрежата за 2-1 и огромна радост на Интер.
El gol de Alexis Sánchez que se perdió ESPN. Lo de Alex Sandro es insólito pic.twitter.com/KjrWbLXpcn
— Dani López (@danilopez1414) January 12, 2022