Категорија: Македонија 12.01.2022 20:02
Поради строгите и
ригорозни прописи во однос на заштитата од коронавирусот во Италија, постојат
две сценарија кои се можни да се случат, а се однесуваат на бараж пресметката
помеѓу Италија и Македонија за пласман на Светското првенство во Катар.
Италијанските здравствени власти не ја признаваат руската вакцина „Спутник“, впрочем тоа е генерално за Европската Унија, а „Ла Република“ наведува дека дел од македонските репрезентативци се вакцинирани токму со таа вакцина, но другиот проблем е тоа што дел воопшто не се вакцинирани.
Со тоа постојат две можни сценарија за кои известува италијанскиот весник, првото сценарио е мечот да се одигра на неутрален терен, а не во Палермо како што е предвидено, а второто сценарио е оние фудбалери кои не ги исполнуваат тамошните здравствени критериуми да немаат право на настап.
Фото-вест: ffm.mk (архива)