Категорија: Лига на Шампиони 24.11.2021 23:33
Во групата каде што неприкосновен е Ајакс, Спортинг Лисабон и Борусија Дортмунд денеска играа клучен натпревар за второто место.
Спортинг победи со 3-1 и на коло пред крајот ги реши сите дилеми околу патниците во осминафиналето.
Со два гола на Педро Гонсалвеш, Спортинг по првото полувреме поведе со 2-0.
Гонсалвеш во 81. минута промаши пенал, но одбиената топка Поро ја смести во мрежата за 3-0.
Борусија Дортмунд преку Мален во 93. минута успеа само да намали на 3-1.
Во оваа група претходно Ајакс со 2-1 го победи Бешикташ во Истанбул.
Ајакс со 15 бода го освои првото место, Спортинг има 9, Борусија Дортмунд 6. Португалците се подобри во меѓусебниот дуел, а тоа значи дека се веќе пласирани во осминафиналето. Бешикташ нема бодови.