Категорија: Англија 24.11.2021 20:55
Поранешниот француски фудбалер Емануел Пети верува дека Килијан Мбапе лесно може да заврши во Њукасл, клуб кој доби богато сопствеништво, а со самото тоа и богата каса, а додаде дека младата ѕвезда е веќе фрустрирана од сите случувања во Франција.
„Се’ може да се случи, видовме што се случи со Њукасл, постојано имаше шпекулации за тој клуб, а вие никогаш не можете да знаете што ќе се случи на крајот од денот, работите лесно се менуваат, постои големо поврзување со Реал Мадрид, а знам дека во неговиот ум кога бил дете за него тоа било сон да игра за клубови како тој“ рече Пети.
„Можеби тој е заинтересиран за Реал Мадрид бидејќи е уморен од сето тоа што се случува во Франција, сметам дека тој на момент дури и чувствува дека го нема истиот статус како оној на Лионел Меси и Нејмар“ додаде тој.
„Пред да ја напушти Барселона, Меси беше крал на тој клуб, но за мене, кралот на ПСЖ е Мбапе, ниту Нејмар, ниту Меси, со целосна почит кон сите, но Мбапе е број еден во таа екипа“ подвлече Французинот.