Горан Пандев вели дека ова дефинитивно е неговата последна сезона. Напаѓачот минатото лето размислуваше за пензија откако стави крај на кариерата во дресот на Македонија, но реши да одигра уште една година.

„Да, ова ми е последна сезона. Во јуни одам во пензија“ – вели Горан Пандев во разговор со Кориере дело Спорт.

„Продолжив поради луѓето, ќе ми беше жал да ставев крај на кариерата пред празни трибини. Навивачите на Џенова секогаш ме поддржуваа па заслужуваат да им кажам благодарам, исто како што треба да му се заблагодарам на Прециози (сега веќе поранешниот претседател на Џенова) кој ме убеди да останам“.

„Не сум размислувал за иднината, но мислам дека нема да бидам тренер“.