Оле Гунар Солшер е под голем притисок на клупата на Манчестер јунајтед, а 48 годишниот фудбалски стратег има активен договор со клубот со важност до 2024 година, што значи дека ќе добие обештетување при евентуален отказ.

Притисокот се зголеми дополнително и со убедливиот пораз од Ливерпул на свој терен со 0-5, а како што пишуваат на Островот, Манчестер јунајтед ќе мора да му исплати обештетување во висина од 7.5 милиони фунти доколку одлучи да му врачи отказ.

Како и да е, во клубот веќе ја донесоа одлуката, а Солшер ќе продолжи да ги предводи „Црвените ѓаволи“ и на дербито против Тотнем претстојниов викенд во десетото коло од Премиерлигата.