Се чини дека се случи крајот на сагата околу приватните проблеми со кои се соочи Мауро Икарди, а кои за момент го оддалечија од терените.
Категорија: Останато 25.10.2021 21:55
Се чини дека заврши сагата околу напаѓачот на ПСЖ, Мауро Икарди и неговата сопруга која воедно е негов агент, Ванда Нара, откако за фудбалерот се веруваше дека флертувал со моделот Еухенија Чина Суарез.
Ванда на социјалните мрежи извести дека со Икарди дури и ги потпишале документите за развод, а тој се согласил на сите услови, меѓутоа потоа настанал пресврт.
„Бев многу повредена од тоа што се случи, секој ден барав развод од Мауро, а кога тој увиде на фактот дека повеќе нема враќање назад, ми рече дека дека повеќе не можеме така да продолжиме, а доколку разделбата е единствениот начин за крај на таа болка, тогаш истата треба да се случи“ напиша Ванда.
„Отидовме кај адвокат, а во два дена Мауро ги прифати сите услови, потпишавме и договор, а наредниот ден ми испрати порака како никој друг досега, ми пиша: Ти дадов се’, а ти имаш се’, се надевам дека би можела да бидеш среќна бидејќи тоа ќе ме направи среќен“ додаде таа во објавата.
„Веднаш потоа увидов на фактот дека и да поседувам се’ во животот, немам ништо без него, се надевам дека овој лош момент низ кој поминавме ќе не направи посилни како двојка и семејство“ напиша Ванда која заврши со зборовите „Те сакам, Мауро“.