Категорија: Македонија 21.10.2021 19:34
Најдобрата женска фудбалска репрезентација на Македонија дојде до првата победа во квалификациите за Светското првенство кое во 2023 година се одржува во Австралија и Нов Зеланд откако славеа против Летонија во Рига со убедливи 1-4.
Рочи во 9 минута донесе почетна предност за нашиот состав, а во 28 минута капитенот Андонова ја дуплираше предноста на 0-2, но домаќинот преку Баличева две минути потоа намали на 1-2 и ја врати резултатската неизвесност.
Сепак, во второто полувреме Максути во 51 минута зголеми на 1-3, а конечниот исход на пресметката во Рига го постави Андонова со својот втор гол, овој пат од пенал во 63 минута.
Ова е прва победа за фудбалерките по поразот од Англија со 8-0, односно Австрија со 6-0, следен предизвик е дуелот со Луксембург во вторник.
Фото-вест: ffm.mk (архива)