Во скандалот „Калчополи“, или „Моџиополи“, по поранешниот генерален директор на Јувентус, Лучијано Моџи од 2006 година беа инволвирани повеќе клубови во Италија, а самиот Моџи тврди дека размислувал за најлошото по себе заради тој скандал со наместени натпревари, по кој „Старата дама“ беше префрлена во ранг подолу.

„Размислував да си го одземам животот во првите неколку денови откако изби скандалот, само вербата кон бога ме спаси“ вели Моџи во документарниот филм на „Нетфликс“, насловен како „Лош Спорт“.

„Станав јавна цел за сите, системот не постоеше, а само јас требаше да наплатам за сето тоа“ додаде тој.

„Бев засрамен, не можев да излезам и да се прошетам низ улиците, во тие моменти размислував за многу работи, вклучувајќи и самоубиство“ подвлече Моџи.