Последната богата понуда на Манчестер јунајтед до Пол Погба за нов договор на францускиот интернационалец е знак за очајност, тврди поранешниот фудбалер на „Црвените ѓаволи“, Пол Инс.

„Сево ова е знак за очајност од страна на Манчестер јунајтед со понудениот договор“ рече Инс во изјавата за „ЈунајтедСтенд“.

„Очигледно е дека тие се обидуваат да го убедат да потпише нов договор, тоа е богата понуда за некој што имал променлива форма“ додаде тој.

„Погба беше на клупата за резерви пред две седмици против Евертон, а потоа вие велите: Ок, еве ти неделна плата од 400 илјади фунти. Доколку му понудувате таков богат договор, тој треба да игра постојано, а тоа не го гледаме од Погба секој натпревар“ заклучи Инс.