34 годишниот Иван Тричковски ќе продолжи во дресот на АЕК Ларнака и по крајот на актуелната сезона, откако од кипарскиот клуб објавија дека постигнат е договор за продолжување на соработката со Македонецот.

Популарниот „Тричко“ е дел од АЕК Ларнака од 2016 година, а за овој клуб досега успеа да постигне 89 погодоци на 145 натпревари. Од АЕК Ларнака повеќе детали најавија во текот на утрешниот ден.

„АЕК Ларнака со задоволство може да извести дека е постигнат договор за продолжување на соработката со капитенот Иван Тричковски, повеќе детали во текот на утрешниот ден, откако ќе бидат потпишани документите“ стои во соопштението на Кипраните.

Η Αθλητική Ένωση Κίτιον (ΑΕΚ) Λάρνακας είναι στην ευχάριστη θέση να ανακοινώσει την συμφωνία ανανέωσης με τον αρχηγό Ivan Trickovski. Περαιτέρω λεπτομέρειες αύριο, μετά και τις υπογραφές στα σχετικά συμβόλαια. pic.twitter.com/HsVL5L2phI

— AEK Larnaca (@AEKLARNACA) October 13, 2021