Категорија: Македонија 22.09.2021 20:14
20 годишниот македонски интернационалец Давид Тошевски дебитираше со гол во дресот на Горњик Жабже, тим каде се пресели на позајмица од руски Ростов во летниот преоден рок.
Горњик славеше со 2-0 на домашен терен против Радомлак, а со тоа прогресираше во 16 финалето од националниот Куп на Полска, почетното водство на фаворитот го донесе токму нашиот фудбалер со гол во 39 минута, а на полувремето Македонецот беше заменет со легендарниот германски фудбалер Лукас Подолски.
Позајмицата на Тошевски во Горњик е за актуелната сезона, а клубот од Полска има опција и да го откупи неговиот договор идното лето.