Фудбалерот на „Црвените ѓаволи“ беше во голема мера трагичар во неочекуваниот пораз кај Јанг Бојс на стартот од новата сезона во Лигата на шампионите.
Категорија: Лига на Шампиони 16.09.2021 09:20
Џеси Лингард признава дека е повреден по големата грешка која ја стори на мечот со Јанг Бојс каде едно погрешно додавање од негова страна во опасната зона „асистираше“ за гол на Швајцарците, и тоа победоносен во 95 минута, дело на Сибатшеу.
„Минатата ноќ болеше, секогаш кога ќе го облечам овој дрес, се надевам дека луѓето ќе разберат што значи тој за мене, секогаш посакувам да го дадам најдоброто за клубот, тимот и навивачите, вознемирен сум за мојата улога во поразот, грешките се случуваат во фудбалот, но ние се креваме и тргнуваме одново“ напиша Лингард на социјалните мрежи.
Last night hurt. Everytime I pull on the shirt, I hope people understand what it means to me. I always go out wanting to do the best for the club, the team and the fans. I’m upset for my part in the defeat. Mistakes happen in football but we pick ourselves up and go again. pic.twitter.com/naTlNMop8L
Следеа бурни реакции од повеќе страни и негодувања за тактичката поставеност на Оле Гунар Солшер за пресметката против Јанг Бојс, а дел од критиките беа и кон одлуката на Норвежанецот да го замени Роналдо токму со Лингард.
Шмајхел со критики до Солшер: Роналдо го менуваш со Лингард? Чудна ситуација...
Лингард со овој кикс дополнително си ја компликува ситуацијата во Манчестер јунајтед, каде веќе е во завршна година неговиот договор, а изминатиот летен преоден рок имаше понуда на маса од Вест Хем каде изминатата полусезона беше фантастичен, истата ја одби и реши да се бори за место во „Црвените ѓаволи“. За ситуацијата да биде уште поотежнувачка за него, Вест Хем веќе го ангажираше Влашиќ, а Манчестер јунајтед пак Роналдо.