Борусија Дортмунд успеа оваа сезона да го задржи Халанд, но така нема да биде и следното лето кога се активира и откупната клаузула од 75 милиони евра.

Румениге верува дека Халанд ќе го добие оној кој ќе му понуди финансиски најдобар договор, а Баерн Минхен не е моќен доволно за да се бори за потписот на Норвежанецот.

„Ќе биде многу тешко Халанд да остане во Германија и по 2022 година. Јасно ми е дека на сила стапува неговата откупна клаузула, но ќе видиме вистинска аукција“, вели Румениге.

„Халанд ќе го добие клубот кој ќе му понуди најголема плата. Мислам дека овој трансфер е невозможен за ниту еден клуб од Бундеслигата, дури ни за Баерн Минхен“.