Категорија: Англија 10.09.2021 10:07
Соединетите Американски Држави славеа убедлива победа од 1-4 кај Хондурас во мундијалските квалификации во Северна и Централна Америка, а САД со една победа и две ремија заостануваат два бода зад Мексико по трите кола во таа конкуренција.
Ѕвездата на Челси, Кристијан Пулишиќ играше се’ до 62 минута од пресметката, а по мечот сите фудбалери добија слободни да се вратат во сопствените клубови.
Челси реагираше брзо, па така испрати приватен авион за да го врати својот фудбалер назад во Лондон, а со тоа да биде на располагање на време во подготовките за мечот со Астон Вила во четвртото коло од Премиерлигата.