Категорија: Останато 09.09.2021 21:24
ЦР7 на Пирс Морган му се довери дека нема приватност и дека две години нема излезено со децата на прошетка во парк. Португалецот исто така открива дека поради славата не може да излезе на дружење со пријателите.
„Не можам да отидам во бар со пријателите бидејќи знам дека нема да им биде комфорно. Избегнувам вакви работи бидејќи луѓето околу мене ќе бидат бидат прилично нервозни“ - вели Кристијано Роналдо, и раскажува интересна приказна од времето во Реал.
„Кратко по преселбата во Реал Мадрид во 2009 година, беше Нова Година, навистина сакав да излезам, но беше невозможно. Па ставив перика и мустаќи, големи наочари за сонце, луда јака, па со пријателите и девојките излеговме во еден руфтоп бар/дискотека во центарот на Мадрид и си поминавме убаво. Тоа беше една од најубавите вечери во мојот живот, повторно се чувствував слободен“.