Кристијан Ериксен оваа недела пристигна во Милано и синоќа ги посети соиграчите од Интер во тренинг центарот во Апиано Џентиле.

Според пишувањата на Кориере дело Спорт, Данецот едвај се воздржал да не пушти солзи и им кажал на соигречите дека „имал многу среќа“.  Тој исто така им открил дека планира да се врати на терените за четири до пет месеци.

Кристијан Ериксен колабирашер против Финска на Европското првенство, неговото срце престана да бие, но докторите успеаја да го спасат. Тој потоа беше опериран и доби Имплантабилен дефибрилатор на кардиовертер, уред кој го следи и регулира ритамот на срцето.

Сепак, со ваков уред тој нема да добие зелено светло за настап во Серија А, законите во Италија не го дозволуваат тоа.