Категорија: Англија 27.07.2021 13:03
Летото во 2019, во последниот ден од преоден рок во Премиерлигата, Манчестер Сити за 11 милиони фунти (околу 13 милиони евра) го купи Педро Поро од Џирона.
Дефанзивецот сепак веднаш беше испратен на позајмица во Ваљадолид, а откако следното лето се врати на „Етихад“, одново беше испратен на позајмица, овој пат во Спортинг Лисабон.
„Лавовите“ сега во целост ќе го купат Шпанецот за 8,5 милиони евра, а пред да се комплетира зделката, Педро Поро реши да се пожали од третманот кој го добил од Пеп Гвардиола.
„Никогаш не разговарав со Гвардиола, ниту еднаш во две години. Мислам дека не ни знаше дека Манчестер Сити ме купул“ – вели Педро Поро, кој нема одиграно ниту една минута во дресот на „граѓаните“.