Категорија: Италија 20.07.2021 16:21
„Росонерите“ соопштија непријатни вести, генералниот извршен директор, Иван Газидис боледува од рак на грлото.
„Милан сака да ги информира навивачите и акционерите дека нашиот генерален извршен директор, Иван Газидис има рак на грлото. По извршени детални тестови, докторите предвидуваат дека тој целосно ќе се опорави“ - гласи известувањето.
За битката која го чека, Иван Газидис рече: „Секако, никогаш не е добро време кога ќе ви биде дијагностициран рак. За среќа се чини дека се работи за форма на рак која се третира. Ќе бидам под надзор на специјалисти и ја имам поддршката на саканите и сите колеги и соработници во клубот. Убеден сум, на основа на сите испитувања кои ги направив, дека третманот ќе биде успешен и комплетно ќе се опоравам. Мојата дијагноза покажува колку е важно редовно да се спроведуваат медицински прегледи, дури и ако немате симптоми. Ги охрабрувам сите да му дадат приоритет на своето здравје и да се погрижат да прават редовни проверки“.