Од куќата на европскиот фудбал ја потврдија информацијата за јавноста, откако истата ја најавија од Турција.
Категорија: Лига на Шампиони 16.07.2021 21:03
Пандемијата со коронавирусот го спречи Истанбул да биде домаќин на големото финале од Лигата на шампионите две сезони по ред, меѓутоа од УЕФА и официјално потврдија дека во 2023 година токму турскиот град ќе биде домаќин на тој голем фудбалски настан.
Сево ова доаѓа откако претходно турскиот министер за млади и спорт, Мехмет Касапоглу уште во мај најави такво сценарио, кое сега и официјално го потврдија од УЕФА.
Според распоредот, во претстојната нова сезона, финалето ќе се одигра во руски Санкт Петербург, а по Истанбул, во 2024 година домаќин ќе биде Лондон во Англија, за во 2025 година таа улога да ја има германски Минхен.