Категорија: ЕВРО 2020 22.06.2021 22:54
Хрватска за првпат во историјата ја победи Шкотска и тоа кога најмногу беше потребно.
Резултатот го отвори Влашиќ во 17. минута од натпреварот, а пред крајот на првиот дел Мекгрегор со удар од далечина изедначи на 1-1.
Нерешениот резултат не им одговараше на ниту една селекција, двете ја бараа победата, а Хрватите успеаа во тоа.
Во 62. минута Модриќ со прекрасен гол го врати водството на Хрватска, а во 77. минута Перишиќ погоди за конечни 3-1.
Англија не калкулираше против Чешка, победи со 1-0, го освои првото место кое носи тежок противник во осминафиналето, некој од Германија, Франција или Португалија.
Единствениот погодок го постигна Стерлинг кој реализираше по убава асистенција од Грилиш.