Фенербахче веќе подолго време бара втор клуб каде што ќе може да прати дел од своите фудбалери кои не можат да обезбедат место во првиот тим. Во Турција не може еден сопственик да има два клуба, па Али Коч сака тоа да биде Вардар.

Вардар е во финансиски проблеми, но Коч добро знае за какво име станува збор, токму црвено-црните го елиминираа Фенербахче во годината кога се пласираа во групната фаза од Лига Европа.

Коч доколку ја оствари намерата и го купи Вардар, македонскиот клуб ќе може да го користи така како што замислил дури откако ќе го врати во Првата лига, бидејќи според правилата на ФФМ во Втората лига не смеат да настапуваат странски фудбалери.

Во изминатите денови се споменува и името на бизнисменот Слободан Крстевски кој беше спонзор на Беласица. Наводно тој требаше да го земе Вардар и да инвестира во него. Но интересот од Фенербахче може да ги промени работите.