Категорија: Италија 19.06.2021 11:28
По цели 20 години легендарниот италијански голман Џанлуиџи Буфон се врати во својот матичен клуб Парма, меѓутоа неговото враќање не наиде на воздишки кај фановите на клубот од „Енио Тардини“.
Откако вестите беа и официјално потврдени за враќањето на 43 годишниот голман, навивачите поставија транспарент пред стадионот, со што го кажаа своето мислење за Буфон.
„Си замина како платеник, не можеш да се вратиш како херој. Почитувај го дресот“ стоеше во нивната порака на транспарентот.
Striscione sul ritorno di pic.twitter.com/Ksn3SB3qSr
„Пред 20 години вети дека никогаш нема да го носиш дресот на Јувентус, а само три седмици потоа потпиша токму за нив, сега се враќаш во единствениот клуб кој те направи победник во Европа, по се’ што се случи, само ќе ти порачаме дека за нас си само еден мал човек и дека засекогаш ќе останеш таков“ стои во соопштението на навивачите на Парма.